Siglir tar il cuntegn

Header

vischnanca, naiv
Legenda: L'uffizi per svilup dal territori dà glisch verda per la revisiun parziala per il center planisà «InnHub» RTR, Anna Caprez
cuntegn

«InnHub» La Punt Chamues-ch Chantun accepta midada da zona

La resposta dal chantun sin la preexaminaziun da la revisiun parziala fa grond plaschair al chanzlist da La Punt Chamues-ch, Urs Niederegger. Oravant tut il fatg che l’uffizi menziunia en il rapport la necessitad dal center planisà saja fitg positiv. Vinavant correspundian tenor il rapport, la revisiun parziala a las leschas da la planisaziun dal territori.

Uss ha la vischnanca anc d’inoltrar tranter auter ina survista tridimensiunala da la zona dals parcadis planisads. Suenter che quai è fatg, succeda l’exposiziun da cooperaziun publica.

Questa stad duai la radunanza communala decider davart l’adattaziun da la planisaziun da zona. Sche tut va tenor plan, duain vegnir fatgas tenor il chanzlist da La Punt Chamues-ch las emprimas lavurs da construcziun la primavaira che vegn.




Ord l'archiv:

video
Center InnHub a La Punt Chamues-ch
Or da Telesguard dals 28.01.2019.
laschar ir

RTR novitads 12:00

Artitgels legids il pli savens

Ir a sanester Ir a dretg