Sin iniziativa da trais chanzlists engiadinais è vegnì organisà quest inscunter. In dad els è Urs Niederegger, chanzlist da La Punt – Chamues-ch. La finamira da l'inscunter duai esser da pudair sa barattar davart las sfidas e basegns actuals dad ina chanzlista u chanzlist. Sper l’inscunter datti era differents referats da politichers dal chantun ma era dal anteriur cusseglier federal Christoph Blocher.
Il chanzlist sa il pli bler en vischnanca
Urs Niederegger sez è dapi quatter decennis chanzlist ed el è persvadì che da quellas persunas hajan ins da profitar. El conuscha tut ils projects communals, tut las leschas e la planisaziun cumplexa dad ina vischnanca, ma era las persunas ch'abitan en vischnanca.
L’inscunter da las chanzlistas e chanzlists ha lieu ils 27 october a San Murezzan.