Siglir tar il cuntegn

Header

Il bajetg melen da l'Institut Autalpin a Ftan. Surora ina paraid da nivels da cumulus sper in tschiel blau.
Legenda: Critica en direcziun da Cuira: L'Institut Otalpin a Ftan Keystone
cuntegn

Engiadina Institut Otalpin a Ftan crititgescha Chantun

Ils responsabels da l'Institut Otalpin a Ftan crititgeschan il Chantun. Els vegnian tractads a moda malgista. Autras scolas vegnian favurisadas.

Tenor in rapport da la gasetta Südostschweiz vegn crititgada la pratica dal chantun da conceder pajaments sin dumondas da finanziaziun. L'administraziun chantunala ha refusà duas dumondas da l'Institut Otalpin a Ftan (IOF): D'ina vart la dumonda per CHF 300'000 da la promoziun da l'economia, da l'autra vart in sustegn finanzial per il 10avel onn da scola.

Quellas duas dumondas sajan vegnidas refusadas da trais uffizis chantunals differents.

Autras scolas vegnian favurisadas

Il IOF vegnia bloccà, sco il president dal cussegl d'administraziun Jon Peer vegn cità en la gasetta. Tractà inegual en cumparegliaziun cun autras scolas vegnia l'IOF areguard il 10avel onn da scola. Ftan porscha quel, però custia quel a Ftan als geniturs CHF 21'000 ad onn, a l'Academia Engiadina a Samedan dentant custa in 10avel onn da scola als geniturs mo CHF1'750, uschia la gasetta. Il sustegn dal Chantun per il 10avel onn da scola a Samedan na sa cunfetschia betg cun il tractament da Ftan.

Il chantun refusa la critica e di ch'ins na possia betg avantagiar ina scola media envers autras. La dumonda da pudair offrir in 10avel onn da scola na saja betg anc arrivada tar il chantun.

RR Novitads 06:00

Südostschweiz/mc/md/ds

Artitgels legì il pli savens

Nach links scrollen Nach rechts scrollen