Siglir tar il cuntegn

Header

cuntegn

Institut Otalpin a Ftan Il nov acziunari dat en l'avegnir en il tact

Al nov acziunari – Dulwich College International – appartegnan 80% da las aczias. Dad attracziuns, ma era da pretensiuns èsi stà d'udir a la 107avla radunanza generala.

Il nov acziunari da maioritad ha fatg la proposta als ulteriurs acziunaris da cumprar giu las aczias da l'Institut Otalpin a Ftan IOF. Quai vala per tut quels che na vulan en l'avegnir betg pli avair il contact cun l'Institut Otalpin a Ftan. Quai duai esser ina purschida tenor il president administrativ dal Dulwich College International Christian Gürtler.

Attracziuns per la scola

Il nov acziunari prevesa d’investir 12 milliuns en novas chombras, novs e moderns locals da scola ed ina nova infrastructura da sport. L'IOF duai daventar ina scola moderna ed adequata al temp d’ozendi. Per realisar quest intent na vegn fatg nagina acquisiziun da novas studentas e students durant la construcziun.

audio
Il nov acziunari da en il tact in avegnir
ord Actualitad dals 26.02.2022.
laschar ir. Durada: 3 minutas 26 Secundas.

Pretensiuns vers la regiun

Tenor il president dal cussegl administrativ Jon Peer hajan las studentas e students interns che vegnan da l’ulteriura Svizra e da l'exteriur gidà a finanziar era la scolaziun dals indigens. Quai duai sa midar en l'avegnir. L’Institut Otalpin Ftan è vid tractar quest tema cun la regiun. Tenor il president saja la finamira da chattar in nov model da participaziun cun la regiun.

RTR novitads 17:00;

Artitgels legids il pli savens

Scrollar a sanestra Scrollar a dretga