Siglir tar il cuntegn

Header

cuntegn

Engiadina Institut Otalpin Ftan: Betg anc sur la muntogna vi

En il focus da la radunanza generala extraordinaria da l'Institut Otalpin èn stadas las finanzas.

48 acziunaris èn stads preschents a la radunanza generala extraordinaria da l'Institut Otalpin a Ftan. Il tema central eran las finanzas. Per l’onn da scola 2016/17 èn segiradas las finanzas. Però senza novs raps n’èsi betg pussaivel da manar enavant la scola ils proxims onns.

audio
Bunura: Radunanza generala Institut Otalpin Ftan
ord Actualitad dals 01.05.2017.
laschar ir. Durada: 2 minutas 42 Secundas.

Augment dal chapital d’aczias

Il vicepresident dal cussegl administrativ, Paul Häring, ha preschantà las cifras actualas da l'augment dal chapital d’aczias. Radund 5 milliuns francs ston entrar, 3% derivan dal cussegl administrativ, 6% d’acziunaris pitschens, 40% d’in partenari strategic che n’è betg vegnì numnà ed ulteriurs 40% entran tras in fond d'aczias. Restan ulteriurs 11%, quels èn anc averts. Il cussegl administrativ spereschia tar quels 11% sin la solidaritad da la regiun.

Ils acziunaris a la radunanza generala extraordinaria han consentì tut las mesiras previsas cun gronda maioritad, l’augment da chapital d’aczias surmenziunà, la diminuziun da la valur d’aczias existentas da 125.00 francs sin 25.00 francs e la prolungaziun d’in credit senza fits davart da la vischnanca da Scuol fin l'onn 2021.

RR novitads 06:00

Artitgels legids il pli savens