Siglir tar il cuntegn

Header

Institut Otalpin Ftan durant il temp d'enviern.
Legenda: Il manaschi da l'Institut Otalpin Ftan duai puspè survegnir stabilitad ANR
cuntegn

Engiadina Institut Otalpin Ftan tschertga nov CEO

Sco quai che la commembra dal cussegl administrativ Beatrice Tschanz ha ditg sin dumonda da RTR na vegnia quest pass dentant betg nunspetgà. Stefan Prebil il CEO actual da l'Institut Otalpin Ftan era numnadamain vegnì elegì mo ad interim per quest post il settember da l’onn passà.

Stefan Prebil
Legenda: Stefan Prebil era vegnì elegì il settember da l'onn passà sco CEO ad interim per l'Inistitut RTR/D.Spinnler

La scola tschertga ussa ina soluziun a lunga vista che duai danovamain purtar stabilitad suenter ils mais turbulents. Quai è era il motiv ch’ins ha plazzà in'annunzia en la gasetta.

Tenor Tschanz han ins gia intgins candidats empermettents. Ina decisiun vegnia a dar en il decurs dals proxims mais.

Anc avant betg uschè ditg …

Ils 3 da november 2014 ha RTR infurmà ch'il CEO da l'Institut Otalpin a Ftan, Bruno Büchi, ha demissiunà durant il temp d'emprova.

video
CEO Bruno Büchi ha demissiunà
Or da RTR dals 07.03.2016.
laschar ir. Durada: 3 minutas 25 Secundas.

Büchi saja dentant pront d'ademplir sias funcziuns fin la fin 2014 e tut tenor situaziun stettia el er a disposiziun pli ditg al cussegl d'administraziun. Uschia hajan ins temp avunda per chattar ina soluziun definitiva per l'onn da scola 2015/16 ed ina soluziun interimistica per l'onn da scola current.

Las fluctuaziuns da directurs ils davos 45 onns a l'Institut

Temp d'uffizi
Directur
1971 - 1991
Heinz Gallmann
1992 - 1992 ad interim
Heinz Gäumann
1992 - 1996
Fritz Gutbrodt
1996 - 2000
Walo Tödtli
2000 - 2001
Men Wieland
2001 - 2002 ad interim
Jachen Curdin Arquint
2002 - 2005
Aldo Magno
2005 - 2009
Gwer Germann
2009 - 2014
Gerhard Stäuble
2014 - 2014
Bruno Büchi
2015 - 2015
Sven A.Kohler
2015 - 2016 ad interim
Stefan Prebil

Artitgels legids il pli savens