Siglir tar il cuntegn

Header

L'institut Otalpin a Ftan.
Legenda: Ensemen cun il milliun che la gruppa d'interess ha rimnà po la scola media cumenzar il manaschi da scola l'avust. Keystone
cuntegn

Engiadina Institut Otalpin ha avunda annunzias

L’institut Otalpin a Ftan ha las annunzias necessarias per avrir la scola l’avust. Sco quai che Johannes Flury, president dal cussegl administrativ ha confermà envers Radiotelevisiun Svirza Rumantscha, han els survegnì enfin gievgia saira 51 annunzias a bucca ed en scrit.

Ina resalva restia dentant tenor Flury: ins stoppia numnadamain anc evaluar per tge classas che las annunzias sajan. I possia vinavant esser ch’ins stoppia stritgar ina u l’autra purschida, sche las classas sajan memia pitschnas. Quai saja alura dentant en la cumpetenza da la direcziun, uschia Johannes Flury.

Tenor ina communicaziun dal directur Sven A.Kohler han ins entant schon 60 annunzias. Quai il stan venderdi mezdi. Ed el è persvas che ulteriuras seguan.

Iniziativa vegn retratga

Cunquai ch'il manaschi da l'institut a Ftan è ussa garantì, ils daners èn avant maun ed il dumber da scolars necessari è era ensemen, han ils iniziants era retratg lur iniziativa. Quai ha ina da las iniziantas, Barbla Conrad, confermà ad RTR.

RR novitads 11:30

Artitgels legids il pli savens

Scrollar a sanestra Scrollar a dretga