Siglir tar il cuntegn

Header

cuntegn

Engiadina Institut Otalpin perda labels da Swiss Olympic

Sin dumonda da RTR ha Swiss Olimpic confermà in rapport correspundent da la «Südostschweiz». Il motiv principal per questa decisiun saja ch'il dumber da talents che possedan ina carta da talent regiunala e naziunala è memia pitschen. Premissa fissan radund 30 scolars cun ina tala carta.

A Ftan percunter possedian mo 12 dals scolars ina tala carta. Scolars cun questa carta èn qualifitgads sco talent d'ina federaziun da sport, declera Ralf Stöckli da Swiss Olympic. Per els na saja quai stà nagina simpla decisiun da betg pli dar ils labels a Ftan. Mo or da motivs da fairness envers las autras 4 scolas en Svizra cun quest label, ha la direcziun tratg la decisiun.

Ftan po far recurs

L'Institut Otalpin po far recurs encunter questa decisiun tar Swiss Olympic. Tenor la Südostschweiz, fa la scola quai.

Sin dumonda da RTR tar Swiss Olympic vegniss il recurs tractà e tratg ina decisiun la fin da zercladur.

RR novitads 12:00

Artitgels legids il pli savens