Instrucziun bilingua periclitada

Sin il stgalim aut a Samedan mancan ils scolasts rumantschs. Quai chaschuna problems per l’instrucziun bilingua che prevesa che tut ils scolars vegnan instruids biling. Il concept sto vegnir reponderà e sche necessari surlavurà.

Laschar ir video «Co vinavant cun la scola bilingua da Samedan?»

Co vinavant cun la scola bilingua da Samedan?

2:32 min, Actualitad video dals 17.3.2015

Il concept da la scola prevesa che tut ils scolars vegnan instruids biling rumantsch e tudestg a partir da la scolina. Uss sto la scola evaluar il concept e sche necessari surlavurar quest. Entant ch’il concept funcziuna bain en la scolina e la scola primara, cumbatta il stgalim aut cun las premissas. Problem è ch’i mancan ils scolasts che san era instruir en rumantsch.

Evaluar concept e tschertgar soluziuns

En in emprim pass ha la magistraglia da Samedan evaluà il concept actual ch’exista dapi radund 20 onns. En quest temp haja dà blers midaments tar il persunal. Betg tut ils scolasts actuals na san ed èn pronts d'instruir en duas linguas.

Perquai sto la scola chattar ina soluziun adequata al temp. In scenari pussaivel pudess tenor il mainascola Robert Cantieni esser, d’abolir l’instrucziun bilingua sin il stgalim aut. Finamira saja dentant d’evitar quest davos pass.

RR novitads 11:30