Dapi gievgia saira las 17:20 enfin venderdi avantmezdi las 11:20 hai da ina interrupziun dals emetturs da radio dad SRF 1,2 e 3. Era radio RTR è stà pertutgà da questa interrupziun. La regiun Engiadina Bassa, numnadamain las abitantas ed abitants al cunfin a Martina enfin e cun Ardez han durant quel temp betg pudì tadlar ils emetturs numnads.
Sco il center da cumpetenza multimedial da la SRG SSR - la «Swiss TXT» - ha ditg sin dumonda, hai da problems tecnics sin las antennas da distribuziun che sa chattan a Martina e Tarasp.