Siglir tar il cuntegn

Header

Navigaziun

Jan Harbott
Legenda: Jan Harbott Chesa Media
cuntegn

Engiadina Jan Harbott è nov manader da la Chesa da giarsuns d'Engiadin'Ota

Jan Harbott ha emprendì falegnam e suenter fatg la scolaziun sco lavurer social. El ha 35 onns, è da la Germania e viva dapi 10 onns en Engiadina. Durant quest temp ha el era lavurà sco falegnam, magister da skis e magister da kite.

Dapi quatter onns lavura el tar la societad Girella a Bever, che gida tar l'integraziun professiunala e sociala da persunas cun problems psichics e socials. Uss succeda Jan Harbott ad Armin Heim e sia dunna Christa Inauen, ch'han manà la Chesa da giarsuns d'Engiadin'Ota durant ils davos 27 onns. Armin Heim ha decidì dad ir anticipadamain en pensiun.

Midament era en suprastanza

A la radunanza generala da gievgia saira è vegnì elegì Samuel Schäfli sco nov president da l'associaziun Chesa da giarsuns d'Engiadin'Ota. El surprenda l'uffizi da Lorenz Lehner, ch'è sa retratg suenter 24 onns da quest uffizi.

RR novitads 06:00