Siglir tar il cuntegn
cuntegn

Engiadina «Jau stoss simplamain scriver!»

La scriptura Romana Ganzoni da Schlarigna ha publitgà ses emprim cudesch cun raquints. En sasez vuleva ella cumenzar cun in roman. Ma quel n'è betg anc pront. E spetgar pli ditg cun publitgar in cudesch na vuleva Romana Ganzoni betg.

Legenda: Guardar il video Vernissascha emprim cudesch da Romana Ganzoni. Durada 02:48 minutas.
Or da Telesguard dals 28.03.2017.

Romana Ganzoni di ch'ella stoppia simplamain scriver. Ella saja in uman che na possia betg auter. Uss ha ella publitgà ses emprim cudesch e quai saja stà in ristg, vul dir: Romana Ganzoni è stada gnervusa per ses debut en furma da cudesch.

Ella ch’è gia stada a concurrenzas sco il premi Ingeborg Bachmann a Klagenfurth. Atgnamain haja ella vulì publitgar sco emprim cudesch in roman. Ma quel na saja anc betg pront. E spetgar pli ditg cun publitgar l’emprim cudesch na vuleva Romana Ganzoni betg. Ussa è qua la collecziun da raquints che portan ils lecturs a Firenze, a Londra, a Turitg, ma era en Engiadina.

Autura bilingua

Romana Ganzoni di da sasezza che ella saja ina autura bilingua. Ella saja tant «Bündnartüütsch» sco Rumantscha. Ils raquints «Granada Grischun» èn dentant per gronda part per tudestg, ma il cudesch cuntegna er passaschas rumantschas.

RR actualitad 17:00