Siglir tar il cuntegn

Header

cuntegn

Engiadina Jauers emigrads – contact gea, turnar na

Per la segunda giada è vegnida organisà l’eveniment «Ils Jauerins». Jauras e Jauers ch'èn emigrads e betg pli turnads en la patria s'inscuntran en la Val Müstair.

Circa 40 Jauras e Jauers ch'han bandunà la Val Müstair avant 20, 30 e per part era 40 onns èn s'inscuntrads a l’eveniment «Ils Jauerins». La finamira da quest inscunter è da segirar l’amicizia ma era da svegliar veglias regurdientschas.

En il pled da bainvegni d'in dals organisaturs Gottfried Hohenegger menziuna el l’impurtanza ch'ils Jauers emigrads han per la Val Müstair. Els fan buna reclama e mainan impurtants contacts en la Val Müstair.

Turnar n’è betg in tema

La maioritad dals preschents viva dapi decennis en la Svizra centrala. Emigrads èn els en emprima lingia pervi da la lavur, per ir a studegiar u far en emprendissadi. Returnads n’èn els betg pli, ma il contact cun la patria è tuttina avant maun.

RR novitads 08:00

Artitgels legids il pli savens

Scrollar a sanestra Scrollar a dretga