Siglir tar il cuntegn

Header

Navigaziun

Purtret da Christian Jott Jenny.
Legenda: Christian Jott Jenny, il president communal da San Murezzan. Keystone
cuntegn

Engiadina Jenny: «Ina vasta rait da contacts è da grond avantatg»

Il president communal da San Murezzan dovra anc dapli temp per emprender ad enconuscher tut sias lezias, funcziuns ed er ils passa 250 collavuraturs. Perquai na discurra Christian Jott Jenny era betg gugent da la tipica bilantscha suenter 100 dis.

Il nov president communal da San Murezzan è entant dapi stgars trais mais en uffizi. Udì e legì da l'artist e directur dal Festival da Jazz han ins dapi là gia pliras giadas:

A reguard il kino haja entant dà in'unic recurs encunter il project e quai l'ultim di pussaivel. La vischnanca s'occupia uss cun quel recurrent.

Nagins problems cun discharmonias

Ed era sche Christian Jott Jenny ha adina puspè da sentir il cuntravent da las partidas fermas a San Murezzan (PLD, PCD e PPS), sa sentia el bain en sia nova funcziun. La finala saja el er bun d'improvisar – saja quai sin il palc artistic sco era sin il palc politic.

Clera visiun

A reguard l'elavuraziun da la strategia 2030 per la vischnanca vesa Christian Jott Jenny ina chaussa gia fitg clera. El na vegnia betg ad esser al timun da San Murezzan en 11 onns. Jenny fa ferm quint che las vischnancas da l'Engiadin'Ota hajan fin là fusiunà e vegnian manadas d'in CEO a moda economica.

RR actualitad 08:00