En occasiun dal giubileum han ils organisaturs mussà l'emprim film preschentà avant 20 onns – «Cinema Paradiso». Il film taliandescriva l’amicizia da Toto ed Alfredo. Toto è in mat ch'è fascinà dal film, ed Alfredo il tecnicher dal kino. Quest film è stà l'emprim ch'ils organisaturs dal Kino openair han mussà avant 20 onns en la curt dal chastè e sez dal Parc Naziunal Svizzer, il chastè von Planta-Wildenberg a Zernez.
Prominents che han preschentà lur films
Ils acturs Mathias Gnädinger e Beat Schlatter han visità il kino sco giasts spezials. Ma er l'enconuschent medi ed alpinist da las muntognas la pli autas dal mund Oswald Ölz è stà a Zernez, sco er l'alpinist extrem Reinhold Messner han fatg visita. Durant quests onns hai dentant era dà da vesair films indigens sco «Marmorera» u «Suot tschel blau».
Duas novas chanzuns per il giubileum
Per in'atmosfera tuttafatg speziala a chaschun dal giubileum han procurà il musicist Curdin Nicolay ed ils Rebels cun Flurin Bezzola. Els han mintgamai scrit in toc da musica en occasiun dal 20avel anniversari dal Kino openair dal Parc Naziunal, e preschantà questas duas chanzuns durant la saira.
-
Bild 1 von 3. Ordavant e durant il Kino openair a Zernez hai dà musica. Bildquelle: RTR, Georg Luzzi.
-
Bild 2 von 3. En pauc mument cumenza la preschentaziun dal film «Cinema Paradiso». Bildquelle: RTR, Georg Luzzi.
-
Bild 3 von 3. L'organisatur Stefan Triebs taglia la turta d'anniversari. Bildquelle: RTR, Georg Luzzi.