Sulet tranter platta e padella – betg uschia a la Kitchen Party en il Badrutt’s Palace a San Murezzan. Empè da far la parti sin il palc da ballar ha quella lieu en cuschina. A la Kitchen Party dastgan ils giasts per ina giada guardar sur la spatla als cuschinunzs da differents pajais dal mund, sagiar las spezialitads da l’India, da la Norvegia, da la Korea e da la China, ma era da la Svizra.
Igl è in inscuntrar dals gronds
Per ils cuschiniers da renum internaziunal è il Gourmet Festival in inscunter tranter collegas, declera il cuschinunz da 31 onns e 18 puncts da GaultMillau Sven Wassmer. Tenor el sa tracti qua d’ina plattafurma ideala per barattar ideas da cuschinar.
Ma era per ils radund 300 giasts è la Kitchen Party in inscunter unic. Els pon per ina giada sa laschar fotografar cun in cuschinunz enconuschent, perder dus u trais pleds e natiralmain era sagiar las spezialitads.
RR actualitad 17:00