Siglir tar il cuntegn

Header

video
Auto da posta empè da tren en Engiadina Bassa
Or da Telesguard dals 11.03.2019.
laschar ir. Durada: 2 minutas 25 Secundas.
cuntegn

Engiadina L’auto mellen surpiglia la lavur dal tren cotschen

Cun l’auto da posta tras l’Engiadina Bassa empè da la Viafier retica. Dals 11 da mars enfin ils 7 da settember resta il tren en la staziun.

Gist sis plazzals prevesa la Viafier retica da realisar durant la stad 2019. A Lavin e Sagliains è previs d’adattar l’infrastructura als basegns actuals. Differents tunnels e punts vegnan renovadas ed era ils binaris vegnan per part remplazzads.

audio
Bunura: Sfida per la posta causa che la viafier na cursescha betg
ord Actualitad dals 11.03.2019.
laschar ir. Durada: 2 minutas 45 Secundas.

L’auto da posta surpiglia il transport da persunas

Gist 12 novs chauffeurs fan da basegn per circular mintga di tranter Scuol e Susch ed ulteriurs 5 autos da posta ston star pronts per substituir la Viafier retica durant la stad. La firma «AutoDaPosta» ha engaschà chauffeurs, oravant tut da la Bassa, ma era singuls indigens ch'èn pronts da s’engaschar a temp parzial. Era suenter il brischament dal schaner da quest onn, nua che 20 autos da posta èn brischads a Cuira, ha la firma avunda autos per ademplir l'incumbensa.

Malgrà il fieu – la firma è uschè gronda ch'i dat avunda autos per accumplir questa sfida.
Autur: Gian Janett responsabel per il project AutoDaPosta

Viadis directs e da vitg a vitg

Trais ulteriurs curs èn previs per vegnir a temp cun ils passagiers tranter Scuol e Susch. Da quels directs che van da Scuol enfin Susch per manar ils giasts sin il Veraina u en direcziun Engiadin'Ota e da quels che van da vitg a vitg.

RR actualitad 07:00

Visualisaziun da la Viafier retica che preschenta las variantas dals curs
Legenda: Visualisaziun da la Viafier retica Viafier retica

RR actualitad 07:00

Artitgels legids il pli savens