Ils 21 da fanadur 2015 sa derasa en il Grischun ina novitad sco in fieu: L’Institut Otalpin a Ftan sto serrar sias portas. I mancan simplamain ils raps ed ils scolars.
Ina scola media privata impurtanta per la regiun na dessi cun quai betg pli. Pervi da la decisiun dals 21 da fanadur ston scolaras e scolars ir a tschertgar in’autra scola per suenter las vacanzas da stad. Magistras e magisters han da tschertgar ina nova plazza da lavur. E la politica tschertga decleraziuns, pertge che la serrada era apparentamain inevitabla.
Moviment nunspetgà
Ma tuttenina datti moviment: ina gruppa da geniturs s’organisescha, rimna suttascripziuns e fa squitsch. La politica sto reagir e preschenta be in’emna suenter la serrada ina pussaivla soluziun transitorica: La vischnanca da Scuol cumpra l’edifizi e da vart privata datti in sustegn per surmuntar la gestiun da la scola. Ina strategia a lunga vista per l’avegnir da la scola sto però pir anc vegnir elavurada.
Repetiziuns
- Mesemna, ils 05.08.2015 (08:10, 09:50, 12:15 sin SRFinfo)
- Sonda, ils 08.08.2015 (17:30 sin SRF1)