Siglir tar il cuntegn

Header

Ils documents en furma da palpiri.
Legenda: Anc betg fit avunda - il project per l'organisaziun da sport tetgala sto vegnir repassà. RTR/Georg luzzi
cuntegn

Engiadina L'Engiadina Bassa sto spetgar sin organisaziun da sport per tuts

«La Regiun Engiadina Bassa/Val Müstair» na sustegna betg il project d’ina organisaziun da tetg per promover il sport: Quel na correspundia betg a las mesiras relevantas ch'il chantun Grischun vul. Perquai ha il project da vegnir repassà.

L'organisaziun regiunala «La Regiun» ha refusà il project ch'era vegnì elavurà dal 2015. Quel preveseva da fundar in'organisaziun da tetg sport che represchenta tut las uniuns sportivas en la regiun.

Quest’organisaziun avess surpiglià lavurs da sponsoring, realisà ina banca da datas regiunala, organisà eveniments, surpiglià servetschs da marketing ed era promovi il sport en general.

Pertge ch'il project sto vegnir surlavurà

Il project preliminar na saja betg relevant pel sistem, vul dir el na saja betg da grond’impurtanza per la regiun. Projects da grond’impurtanza èn projects che promovan l’economia sco per exempel l'ennavada da la regiun da skis u la realisaziun dad in vitg da vacanzas en la Val Müstair.

La Regiun dat uss 20’000 francs per repassar e redimensiunar il concept ed integrar las regiuns Val Müstair e Samignun.

Artitgels legids il pli savens

Scrollar a sanestra Scrollar a dretga