Siglir tar il cuntegn

Header

video
Chalandamarz a Zuoz ed a Madulain
Or da Telesguard dals 01.03.2018.
laschar ir. Durada: 3 minutas 10 Secundas.
cuntegn

Engiadina L'Engiadina ha stgaschà l'enviern

Chalandamarz sa numna l'usit che l'Engiadina festivescha per stgatschar l'enviern. La primavaira po vegnir.

En l'Engiadina vegn stgatschà l'enviern cun colurs giaschlas e cun stgellas e canera. Meteorologicamain cumenza numnadamain oz la primavaira. Il Radio Rumantsch ha accumpagnà las festas da La Punt, Ramosch e Sent.

Sent

A Sent èsi tradiziun ch'il pli vegl mat e la pli veglia matta pon diriger il chant dals uffants. Per las mattas fa quai uest onn Claudia Franziscus che dirigia las chanzuns che vegnan chantadas en trais vuschs.

Ils uffants da Sent han cumenzà a chantar en divers lieus a Sur En ed èn silsuenter arrivads cun l'auto da posta a Sent ed han cuntinuà là sin las plazzas dal vitg. Spezial a Sent è ch'ils pli pitschens uffants èn vestgids da nanins.

audio
Mezdi: Chalandamarz a Sent
ord Actualitad dals 01.03.2018.
laschar ir. Durada: 3 minutas 52 Secundas.

Ramosch

Ils uffants a Ramosch sa rimnan sin plazza da scola. Là arrivani in suenter l'auter suenter al char. La plumpa la pli gronda sco emprim ed ils auter suondan. Sin la plazza vegn lura dà cun las giaschla e fatg canera en urden.

audio
Bunura: Chalandamarz a Ramosch
ord Actualitad dals 01.03.2018.
laschar ir. Durada: 4 minutas 11 Secundas.

In dals uffants, il pli vegl mat da la scola, è mintgamai il reverenda. Quel ha dad ir da chasa tar chasa e rimnar ils daners e guardar ch'ils uffants stattan bain en colonna. Cun ils daners vegn lura fatg viadi da scola.

Suenter il sa radunar sin plazza da scola van ils scolars lura enavant tras il vitg. Il fimar è enfin ussa stà tradiziun tar il Chalandamarz. Ils uffants pudevan pli baud mintgamai fimar durant quest di. Quest onn è quai dentant scumandà.

La Punt

A La Punt hai naivì a bun'ura cura ch'ils uffants èn sa fatgs pront per il til. In brunsin ha stuì patir in zic fitg dal fraid ed è rut tar quests -14°C. Cun ils brunsins èsi pia da far bufatg. Cun las plumpas pon ils uffants dentant dar tut. Ils uffants van da La Punt vers Chamuestg. Là hai dà cacau per ils uffants, quai che fa er basegn en questa fradaglia.

audio
Bunura: Chalandamarz a La Punt
ord Actualitad dals 01.03.2018.
laschar ir. Durada: 4 minutas 3 Secundas.

A La Punt pon las mattas er ir a Chalandamarz. Quai plitost per il motiv ch'i ha uschè paucs uffants. Pli baud hani be pudì chantar cun, oz poni er far part. Ils giuvens van davant or, las mattas suondan.

La chanzun da Chalandamarz

Avrir la box Serrar la box

 

audio
Chanzun da Chalandamarz
ord Actualitad dals 01.03.2018.
laschar ir. Durada: 1 minuta 38 Secundas.

Betg be en Engiadina vegn festivà Chalandamarz

A Zuoz na vegn betg be festivà Chalandamarz mabain era elegì il nov president communal.

E gea, schizunt en la Surselva vegn festivà Chalandamarz, u «Calondamars» co el sa numna là.

RR actualitad 07:00

Artitgels legids il pli savens