Siglir tar il cuntegn

Header

cuntegn

Engiadina L’Engiadina survegn in Migros

Il grossist vegn per l’emprima giada cun ina butia en Engiadina. Quai en il center da mastergn Cho d’Punt a Samedan.

Sco Urs Pfister da la Pfister Immobiglias SA da Samedan ha infurmà en ina conferenza da medias la mesemna, cumpiglia il project duas parts. Integrà en il nov bajetg duain esser sper localitads da butia er in restaurant, in tancadi ed ina lavandaria d’autos. Realisà vegn il project sin la parcella dal tancadi existent a Samedan.

Avertura il 2021

Ils 14 d'avust ha la vischnanca da Samedan dà liber las lavurs da construcziun, e las lavurs da preparaziun han gia cumenzà. Ils custs per l'emprima etappa da la surbajegiada cun il bajetg principal ed il parcadi sutterran muntan a var 50 milliuns francs. Planisà èsi dad avrir il center il 2021.

audio
Mezdi: L'Engiadina survegn ses emprim Migros
ord Actualitad dals 29.08.2018.
laschar ir. Durada: 3 minutas 48 Secundas.

Radund 100 plazzas da lavur

Per il supermartgà ed il restaurant vegn Migros a stgaffir radund 70 plazzas da lavur da tut onn. Vitiers vegnan ulteriuras diesch plazzas per il tancadi e la lavandaria d'autos. Tut en tut vegn il center a porscher var 100 plazzas da lavur.

Impedì cun limitar surfatscha dal bajetg

Avant var 30 onns avevan pliras vischnancas impedì ch'in grossist vegnia da metter pe en Engiadina. Quai cun limitar la surfatscha dal bajetg sin ina grondezza che n'era betg interessanta per grossists.

Entant na datti gia ditg betg pli questa limitaziun. La butia dal grossist Coop a San Murezzan è numnadamain gia pli gronda.

video
Emprim Migros a Samedan
Or da Telesguard dals 29.08.2018.
laschar ir. Durada: 27 Secundas.

RR novitads 11:00

Artitgels legids il pli savens