Siglir tar il cuntegn

Engiadina L’iniziativa da parcar a Scuol sin buna via

Ils iniziants da l’iniziativa «Dapli per cumprar – damain per parcar» han gì success cun ramassar suttascripziuns. 150 suttascripziuns fissan necessarias, 520 èn vegnidas ensemen

Ils iniziants cun il president ed il chanzlist communal tar la surdada da las suttascripziuns.
Legenda: Ils iniziants cun il president ed il chanzlist communal tar la surdada da las suttascripziuns. RTR, G. Luzzi

Cun in’ura da parcar simbolica han ils iniziants surdà ils formulars cun las suttascripziuns. Il iniziants na èn betg perencletgs cun la situaziun actuala. Ussa ston ins pajar dapertut per parcar. L’iniziativa pretenda plazzas da parcar gratuitas en l'entira vischnanca da Scuol.

Collavuraziun culs iniziants

La vischnanca ha prendì en consegna las suttascripziuns. Il proxim pass è ussa la controlla legala da las suttascripziuns. Sco quai ch'il president da vischnanca Christian Fanzun ha ditg, saja la vischnanca pronta da tschertgar il discurs cun ils iniziants. El vesa ch’ins stoppia far insatge en questa direcziun, dentant giaja l’iniziativa memia lunsch, ha ditg il president da la vischnanca plinavant.

RR actualitad