Siglir tar il cuntegn
Inhalt

Engiadina L'UNESCO Biosfera tschertga l'opiniun da la populaziun

Cun in questiunari a tut la populaziun vul ins evaluar las pretaisas, aspectativas ed era las temas vers il reservat UNESCO Biosfera Engiadina Val Müstair.

Il questiunari e la charta accumpagnatorica
Legenda: Il questiunari e la charta accumpagnatorica RTR, Georg Luzzi

Tut ils abitants da la Val Müstair, Zernez, Scuol e S-chanf a partir da 18 onns han retschavì dacurt in questiunari da l’organisaziun «UNESCO biosfera Engiadina Val Müstair». Els vulan badar il puls da la populaziun indigena e ramassar las opiniuns persunalas.

Quant acceptà è il reservat tar la populaziun e tgeninas èn las aspectativas envers quel. Ma er tge temas e restricziuns ch'in reservat porta. Quai èn las dumondas centralas. Per la manadra da fatschenta Angelika Abderhalden èsi impurtant da chattar il puls e promover ina stretga collavuraziun tranter il reservat UNESCO Biosfera Engiadina Val Müstair e la populaziun.

Radund 6000 questiunaris cun 11 paginas èn vegnids repartids en las vischnancas da Zernez, Scuol, S-chanf e la Val Müstair. Durant la stad spetgan ins lura ils resultats dal questiunari e lura dastgan ins trair las emprimas mesiras.

UNESCO Biosfera EBVM

Il reservat UNESCO Biosfera Engiadina Val Müstair è il tetg da las trais organisaziuns, Parc da natira Val Müstair, Parc Naziunal Svizzer e vischnanca da Scuol.

RR actualitad 07:00