Siglir tar il cuntegn

Header

video
La bova sin il Pass dal Fuorn
Or da sil punct dals 26.07.2022.
laschar ir. Durada: 2 minutas 37 Secundas.
cuntegn

L'ustier da Buffalora raquinta Rumir il material or da l'hotel ha prioritad

Il stemprà da glindesdi saira ha devastà en plirs lieus il pass dal Fuorn. Dapi mezdi è la via puspè charrabla – uss cumenza la lavur da rumir il material e da controllar tge donns che la bova ha fatg.

El vuleva gist far ina pitschna pausa, cura ch'el ha vis la bova. Uschia raquinta l'ustier Fredy Bass sias impressiuns da glindesdi saira. Immediat ha el bandunà il bajetg, ha alarmà ils pumpiers ed infurmà ils giasts da l'hotel.

audio
Bova sin il pass dal Fuorn: L'ustier Fredy Bass raquinta
ord Actualitad dals 26.07.2022.
laschar ir. Durada: 2 minutas 22 Secundas.
Igl è in grond donn – ils tschalers èn emplenids cumplainamain cun material.
Autur: Fredy Bass Dapi 13 onns ustier da Buffalora

Quant grond ch'il donn è per l'ustaria Buffalora, na po Fredy Bass anc betg dir. El spera en mintga cas da pudair avrir ses hotel anc ina giada avant ch'ir en pensiun l'october.

Via è puspè averta

Dapi glindesdi saira era la via sur il Pass dal Fuorn serrada pervia d'ina bova. Dapi las 12:30 è la via però puspè averta, suenter ch'ella ha pudì vegnir rumida en il decurs da l'avantmezdi.

audio
Situaziun mardi da mezdi sin il pass dal Fuorn
ord Actualitad dals 26.07.2022.
laschar ir. Durada: 5 minutas 54 Secundas.

Donns materials anc betg enconuschents

Anc saja grev da discurrer da las dimensiuns da la bova. Peder Caviezel da l'Uffizi da construcziun bassa stima ch'i saja vegnì a val radund 10'000 meters cubic material – quai en dus lieus. Il material ch'è vegnì giu a Buffalora haja donnegià l'hotel Buffalora, ils tschalers sajan emplenids cun aua e material. Quantifitgar ils donns na saja betg anc pussaivel – persunas n'èn betg vegnidas a donn.

audio
Peder Caviezel davart las dimensiuns da la bova
ord RTR Audio dals 26.07.2022. Maletg: RTR, Georg Luzzi
laschar ir. Durada: 21 Secundas.

La bova è vegnida a val glindesdi saira vers las 18:00 suenter ch'i ha dà ina daratga intensiva. Cunquai che l'aura è puspè sa quietada na quinta il chantun betg cun ulteriuras bovas. Uschia ch'i cuntinueschan cun las lavurs da rumida enturn la via e l'hotel Buffalora.

video
Impressiuns da la bova sin il Pass dal Fuorn (25-07-2022)
Or da Giuventetgna dals 26.07.2022.
laschar ir. Durada: 59 Secundas.

RTR novitads 20:00+

Artitgels legids il pli savens