Siglir tar il cuntegn

Header

il program "xlogo" cun la tartaruga sco curser
Legenda: il program "xlogo" cun la tartaruga sco curser RTR, Georg Luzzi
cuntegn

Engiadina La 5avla da Valsot gudogna premi da l’ETH

Scriver in program che dissegna in roboter sin in fegl – il resultat da la scola da Valsot ha plaschì a la giuria.

La Scola politecnica federala (ETH) ha gì scrit ora ina concurrenza naziunala. A quella concurrenza è sa participada er la 5avla classa da la scola da Valsot – e quai cun success. Els han gudagnà l'emprim premi e dastgan far in viadi a Turitg per guardar als dretgs programmaders sur las spatlas.

audio
Bunura: 5avla classa da Valsot gudogna premi da l'ETH
ord Actualitad dals 09.11.2018.
laschar ir. Durada: 2 minutas 57 Secundas.

XLogo – in program adattà per uffants

La lezia da la concurrenza è stada da programmar cun XLogo il dissegn d'in roboter. Mintga pass e mintga cumond han ils giuvens programmaders gì dad inditgar al computer. Tar il sistem cun il num XLogo sa tracti d’in sistem da programmar adattà per uffants da quella vegliadetgna. Il «cursor» è ina pitschna tartaruga che suonda ils cumonds programmads.

Medias ed informatica

Il plan d'instrucziun prevesa quest onn per l’emprima giada il rom «medias ed informatica». Durant quell’ura d’instrucziun han las otg scolaras e scolars da Valsot realisà lur roboter – il roboter ch'ha satisfatg il pli fitg la giuria da la Scola politecnica federala, ed uschia dastgan els bainbaud far il viadi vers Turitg.

RR actualitad 08:00

Artitgels legids il pli savens

Scrollar a sanestra Scrollar a dretga