Radund 50 persunas èn sa participadas al lavuratori d’avegnir. Quai è stà il segund da quest gener. Il «Parc da natüra Biosfera Val Müstair» sto inoltrar mintga quatter onns in program al chantun per survegnir vinavant sustegn finanzial dal chantun e da la Confederaziun.
Il team dal parc da natira ha preschentà il program cun projects en ils secturs da turissem, economia regiunala, cuntrada e natira, cultura e furmaziun, fabritgar, biodiversitad ed auters. La populaziun ha gì la pussaivladad da cumplettar projects u era vegnir cun ideas novas.
Cuntegn dal program
Il program dal parc da natira metta accents persistents en il sectur da turissem cun in nov post per il svilup da purschidas. Persistenza vul ins cuntanscher era en il sectur da l’economia regiunala surdar in label a products d’auta qualitad. En il center da la cultura e furmaziun stat la lingua rumantscha.
Co vinavant?
Enfin la fin dal 2018 vegnan tractads il projects da la cumissiun strategica da la Biosfera Val Müstair e da la suprastanza communala avant ch’inoltrar quels definitivamain al chantun.
RR actualitad