Siglir tar il cuntegn

Header

Fanestras d'ina bischutaria en liquidaziun.
Legenda: Liquidaziun tar il Scherbel a San Murezzan. RTR, A. Caprez
cuntegn

Engiadina La bischutaria Scherbel serra l’affar suenter passa 100 onns

Ils possessurs serran la butia sin la fin da zercladur. Ina greva decisiun che fetschia mal, ina ch’els hajan uss stuì trair suenter avair cumbattì differents onns. Quai han ils possessurs confermà a Radiotelevisiun Svizra Rumantscha RTR.

Il fatg ch’els serrian haja da far nagut cun il lieu San Murezzan, mabain simplamain cun la realitad economica. La branscha sa chattia dentant en general en in temp difficil. Dapli na vulan ils possessurs betg dir en la publicitad.

Els stoppian anc sezs magunar lur decisiun da serrar la bischutaria Scherbel, ed impurtant saja che quest pass vegnia betg mess en connex cun il lieu San Murezzan. I saja ina dumonda da la grondezza. Ils possessurs han era ditg, ch'els avevan gia decidì avant in temp da restar pitschen, e da dar si l'affar.

Dapi il 1912

La bischutaria Scherbel exista dapi il 1912 e vegn manada uss da la terza generaziun. L’affar serra sias portas sin la fin da zercladur 2016.

Dapli da Engiadinaavrir la Landingpage

Nach links scrollen Nach rechts scrollen