Siglir tar il cuntegn

Header

video
Suenter la bova sa derasan neofitas a Bondo
Or da Telesguard dals 29.05.2018.
laschar ir. Durada: 2 minutas 44 Secundas.
cuntegn

Engiadina La bova da Bondo – terren ideal per neofitas

Ina planta betg giavischada, la «Buddleja Davidii». Quella crescha ad in crescher en Bregaglia – il vitg vul franar la derasaziun.

Cun la bova a Bondo datti grondas deponias e stgavaments – tut terren betg cultivà. Per la «Buddleja Davidii», per tudestg «Sommerflieder» è quai il terren ideal per prosperar e sa multiplitgar.

audio
Saira: La bova da Bondo – terrain ideal per neofitas
ord Actualitad dals 29.05.2018.
laschar ir. Durada: 2 minutas 28 Secundas.

Cumbatter las neofitas

Ensemen cun ina firma spezialisada vul il vitg da Bondo cumbatter e proteger oravant tut terren agricul. Tar la planta «Buddleja Davidii» sa tracti d’ina planta estra - ina neofita che destruescha la vegetaziun indigena.

Ella datti gia en Bregaglia e quai davent dal cunfin da Castasegna enfin a Promontogno. Ina destrucziun cumpletta da questa planta invasiva n'è betg pussaivel. Per lung dals auals e era a la riva dal flum principal tras la Bregaglia la Maira ha quel chattà ses dachasa.

La gronda finamira è d’evitar ch’ella surpiglia il suramaun ed impedescha che plantas indigenas creschan en quest lieu.

RR actualitad 17:00

Artitgels legids il pli savens