Siglir tar il cuntegn

Header

cuntegn

Engiadina La chasa Parli – in refugi da quietezza e lieu d’inspiraziun

Avant quatter onns ha Tim Krohn e sia famiglia chattà quest lieu ideal per viver e lavurar. Quella purschida vulan els ussa parter cun autras persunas che tschertgan novas visiuns e ideas.

Midà dal «Kreis 5» a Turitg a Santa Maria en Val Müstair. Avant quatter onns ha la famiglia Krohn fatg quest pass. Davent da la hectica en in lieu quiet per tancar nova forza – ina nova vita.

audio
La chasa Parli – in refugi da quietezza e lieu d’inspiraziun
ord Actualitad dals 24.04.2018. Maletg: RTR, Dario Müller
laschar ir. Durada: 2 minutas 47 Secundas.

La chasa Parli

Radund 400 onns veglia è la chasa engiadinaisa. Ils ultims onns en possess d’ina famiglia Parli. Sur da l’istorgia da la chasa san ins raquintar pac, il temp da la guerra eran qua staziunads ils schuldads tut il rest è ì en emblidanza.

600’000 francs investiziuns

La famiglia Krohn ha ussa cumprà quella chasa e fabritgà londerora ina chasa per scripturs, artists, fotografs, pia simplamain per persunas che tschertgan in lieu per sa retrair e chattar nov’inspiraziun per novs projects e visiuns. Tschintg chombras e divers locals cuminaivels e lura ina stalla per far vernissaschas.

Coaching sin giavisch

Tim Krohn e sia dunna Michaela en scripturs libers. Sin giavisch sustegnan els ils scripturs ch'abitan en lur chasa da chattar novas ideas e porschan la pussaivladad da sa participar a la vita da la famiglia. Il giast duess sa chattar da chasa en la chasa Parli e bandunar quella cun nov schlantsch e novas forzas e cun in satgados plain ideas. Tut quai dentant cun la finamira e la speranza ch’ils giasts scrivan alura era istorgias da la Val Müstair.

video
Chasa Parli: Ina chasa istorica per giasts creativs
Or da Telesguard dals 24.04.2018.
laschar ir. Durada: 3 minutas 14 Secundas.

RR Telesguard 17:40

Artitgels legids il pli savens