Siglir tar il cuntegn
Inhalt

Engiadina La collecta da Tschuncaisma va a favur d’in project en Ungaria

La baselgia refurmada grischuna ramassa raps per sustegnair ils Roma en Ungaria. Ina minoritad etnica, che n’ha betg adina simpel da surviver.

Uffants Roma
Legenda: Ils Roma èn ina minoritad etnica che las baselgias refurmadas dal Grischun vulan sustegnair cun lur collecta. Reuters

La baselgia refurmada dal Grischun ha decidì da sustegnair ils proxims 3 onns in project en l’Ungaria, concret la minoritad etnica dals Roma. En Ungaria vivan bunamain 750’000 Roma. La gronda part dad els, viva en ils conturns da citads e vischnancas.

La giuventetgna è l’avegnir

Cun in project da la baselgia refurmada vul ins oravant tut sustegnair las giuvnas ed ils giuvens tar la scolaziun, ma era las famiglias, ch’èn per part grondas. Quint fan ins en media cun ina collecta durant Tschuncaisma da radund 75’000 francs.

Stretga collavuraziun cun baselgia en Ungaria

Per cuntanscher las dretgas persunas cun ils mezs d'agid, prevesa la baselgia refurmada grischuna da collavurar stretgamain cun quella en Ungaria. En 3 onns preves’ins lura da visitar cun ina delegaziun l’Ungaria, per far bilantscha dal project svizzer.