Siglir tar il cuntegn

Engiadina La conferenza cun la pli lunga istorgia

80 onns datti schon, la Conferenza Generala Ladina (CGL). A l’onn d’anniversari sa scuntran els en il hotel Saratz a Puntraschigna.

Radund 200 commembras e commembers dumbra oz la Conferenza Generala Ladina, curt CGL. Per absolver la radunanza generala e per fastagiar il 80avel anniversari en reunids radund 130 magistras, magisters e mainascolas.

Las incumbensas da la CGL han, in tut ils onns, betg midadas uschè ferm. La CGL s’engascha dapi decennis per las scolas e lur magisters, ella s’engascha per mantegnair la lingua rumantscha e collavura stretg cun sumegliantas uniuns en il chantun Grischun.

Sfidas actualas

La suprastanza da la CGL sa fatschenta actualmain cull'introducziun da plan d’instrucziun 21 che vegn introduci en ils proxims onns e cul tema digitalisaziun en scola sia quai per la magistraglia ed era per ils uffants.

La gasetta “Aviöl” cumplenescha 100 onns

In ulteriura incumbensa da la CGL è era la redacziun da la gasetta “Aviöl”. Quella e vegnida fundada in december dal 1916. Sulettamain en ils onns da la guerra dal 1945 e 1946 è la gasettina per ils scolars betg cumparida. In istorgia da success.

Davos la radunanza han ils uffants da Puntraschigna embelli il program cun chanzuns e lura han ils preschents dastgi prender plaz per la tschaina in occasiun da 80avel anniversari.