Siglir tar il cuntegn

Header

video
Tge fan las famiglias al Chapella?
Or da Battaporta dals 06.08.2017.
laschar ir. Durada: 2 minutas 15 Secundas.
cuntegn

Engiadina La famiglia en il center da l'Open Air Chapella

Per la 36avla giada ha gì lieu questa fin d'emna l'Open Air Chapella cun blera musica rumantscha ed in program animà per famiglias.

Per nagut vegn l’Open Air Chapella betg numnà l’open air per famiglias. Per ils pli pitschens hai dà in program animà. Uffants a partir da quatter onns èn vegnids survegliads. Els han dastgà smincar, far gieus, zambregiar e quai tut sut surveglianza.

Il venderdi tutga a musicists rumantschs

L’entschatta da l’Open Air Chapella ha fatg gruppas da musica rumantschas, sco ils Rebels ed ils Diabolics. Il start fa il tessinais Andrea Bignasca.

Sonda cun musica variada

Funk, rock, jazz, soul e pop, tut è preschent. Da Mr. Mad Malenco, Nick Mellow, Red Lizard, LiquidRoots enfin la musica naira da Scoulcase vegn purschì tut.

La finiziun cun gruppas internaziunalas

La dumengia è quai vegnì internaziunal. Cun musica irlandaisa da Brendan Monghan, cun musica da Country da Suzie Candell and the Screwdrivers e la finiziun cun la Ski-Schuh-Tennis Orchestra.

L’Open Air Chappella ha purschì per pitschen e grond in program famigliar e varià.

Passa 400 persunas al Chappella

Passa 400 persunas han visità questa fin d'emna l'open air a Chapella. In quart dals visitaders sajan stads uffants e giuvenils. Quai han communitgà ils organisaturs. Il venderdi e la sonda haja il festival profità da la bell'aura. La dumengia saja la glieud stada malgrà la plievgia. L'open air Chapella quinta cun in quint equlibrà per quest onn, uschia ils organisaturs vinavant.

RR actualitad 11:00

Artitgels legids il pli savens