Siglir tar il cuntegn

Header

Caricatura da Sigi Asprion.
Legenda: Caricatura Curdin Albin
cuntegn

Engiadina La fin da la schanza a San Murezzan

San Murezzan di cleramain na al credit supplementar da 8,4 milliuns francs.

Il resultat è cler cun 1'093 vuschs na encunter 278 vuschs gea. Il credit supplementar dad 8,4 milliuns francs per la schanza da siglir cun skis n'ha gì nagina schanza. Quai è la fin dal project che preveseva oriundamain custs da 11,5 milliuns francs: San Murezzan na fabritga nagina nova schanza.

costa da la schanza da siglir cun skis a San Murezzan.
Legenda: Uschia guard quai ora actualmain: qua era ina giada la schanza da siglir cun skis da San Murezzan. RTR, Violanta Rominger

Project malcalculà

Ils 24 november 2013 aveva il suveran da San Murezzan anc ditg gea ad in credit dad 11,5 milliuns francs. Il schaner 2015 hai dentant dà in stop da planisaziun suenter che la suprastanza communala aveva vis che ils custs eran calculads bler memia bass.

Il project surelavurà ha mussà ch'i dovra radund 20 milliuns francs per fabritgar la nova schanza uschia ch'ins pudess era mussar concurrenzas da siglir cun skis en la televisiun. La suprastanza communala ed il cussegl communal avevan recumandà in na al credit supplementar dad 8,4 milliuns francs. Enfin ussa ha San Murezzan gia pajà 1,1 milliuns francs, quai per rumper giu la schanza veglia e per lavurs da planisaziun.

video
Schanza senza schanza
Or da Telesguard dals 25.09.2016.
laschar ir

Schanzas da trenament per la giuventetgna?

Sche quai dat almain anc schanzas da trenament per la giuventetgna è anc avert. Per quai duvrassi in nov project. Tenor il plan da zonas revedì l'onn 2013 fissi dentant pussaivel da realisar talas schanzas.

RR novitads 12:00

Artitgels legids il pli savens

Scrollar a sanestra Scrollar a dretga