Siglir tar il cuntegn

Header

video
La fin dal Circul d’Engiadin’Ota
Or da RTR dals 14.12.2017.
laschar ir. Durada: 1 minuta 30 Secundas.
cuntegn

Engiadina La fin dal Circul d’Engiadin’Ota

Suenter la davosa sesida dal parlament regiunal, han ils cussegliers piglià cumià d’ina era che va a fin quest onn. A partir dal 2018 è la Region Malögia en funcziun.

Betg pli il parlament regiunal cun sias differentas fracziuns vegn a decider davart lezias regiunalas, mabain ils 12 presidents communals tranter la Bergiaglia e S-chanf. Il Circul d’Engiadin’Ota era fin uss in dils oriundamain 39 circuls dal chantun Grischun. Dapi la refurma da territori per l’emprim da schaner 2015, han ils Engiadinais anc gì dus onns temp per reglar e preparar las transfurmaziuns en la nova Region Malögia.

In pau melanconia ...

Sco bunamain tut ils auters circuls en il Grischun, datescha la fundaziun dal Circul d’Engiadin’Ota l’onn 1851. Per dar in sguard sin l’istorgia da quel, han il landamma Gian Duri Ratti sco er il president communal da Zuoz, Flurin Wieser, resumà in pèr datas per ils preschents cussegliers. Che l’èra dal Circul d’Engiadin’Ota va uss a fin è per ils ins in mument emoziunal ed er trist.

... dentant insatge ch’ins saveva

Cun quai ch’ins saveva che l’Engiadin’Ota e la Bergiaglia han simplamain anc gì dus onns temp persa preparar sin quel mument, n’han auters insumma nagina fadia da laschar ir ed esser pront per insatge nov: la Regiun Malögia.

Suenter l’act uffizial en la Tur Planta a Zuoz ha il landamma finalmain pachetà ensemen la bindera dal Circul d’Engiadin’Ota.

RR actualitad 17:00

Artitgels legids il pli savens