Enfin uss era la Val Müstair dividida en trais parts:
- En il «Terzal d’Aint» cun Tschierv, Fuldera e Lü recitavan ils scolars avant mintga chasa ina poesia. Las poesias raquintavan da temas actuals da l'onn.
- En il «Terzal d’Immez» cun Valchava e Sta. Maria vegniva fatg festa cun in charin, signun, pasters e flurs da palpiri. Plinavant chantavan ils uffants chanzuns per stgatschar l’enviern.
- Orasum la Val Müstair – il «Terzal d’Ora», gievan ils uffants cun grond fracass da plumpas, stgellas e talacs tras il vitg, era qua chantond chanzuns tradiziunalas.
audio
Saira: Chalandamarz en Val Müstair
ord Actualitad dals 01.03.2019.
laschar ir. Durada: 2 minutas 39 Secundas.
audio
Impressiuns live da la Val Müstair
ord Actualitad dals 01.03.2019.
laschar ir. Durada: 6 minutas 35 Secundas.
Tut auter – ma tuttina medem
A partir da quest onn va tut la cumpagnia da Müstair enfin sisum la val tras tut ils vitgs cuminaivlamain. La brajada da 114 scolaras e scolars vegn transportada cun in bus da vitg a vitg. En mintga vitg vegn chantà e raquintà ina poesia. Il cumenzament è a Lü a las 8:00 e lura tenor in program tras tut la Val Müstair enfin tar la fracziun da Müstair. Là datti la saira in bal per uffants che dura enfin mesanotg.
Lü, Fuldera, Valchava
RR actualitad 12:00
