La Viafier retica ha puspè pudì avrir la lingia da tren dal Bernina tranter San Murezzan e Tirano. Ils trens curseschian tenor urari, scriva la viafier.
La lingia da tren aveva stuì vegnir serrada il mardi avantmezdi pervi da donns da malaura. Durant ina part da l'avantmezdi era il traffic public interrut dal tut, cunquai che la Viafier retica aveva desistì ord motivs da segirezza da far cursar bus da remplazzament tranter San Murezzan e Poschiavo. Sulet tranter Poschiavo e Tirano eran en funcziun durant quest temp bus da remplazzament.
RR novitads 11:00+