La plipart dals scolars stat fidaivla a l’Institut Otalpin a Ftan

Uss èsi uffizial, l’Institut Otalpin a Ftan po cumenzar l’onn da scola sco prevesi ils 24 d’avust dal 2015.

L'Institut Otalpin a Ftan. Bild in Lightbox öffnen.

Legenda da maletgs: Davent dals 24 d’avust datti puspè vita sin l’areal da l’Institut Otalpin a Ftan. RTR, P. Bundi

Sco l’Institut Otalpin Ftan ha communitgà il glindesdi, han s’annunziads en tut 75 scolaras e scolars. Da quellas èn 21 interns e 54 externs. Cunquai èn stads 86% da tut las scolaras ed ils scolars che s’avevan annunziads, fidels a la scola media da l’Engiadina Bassa.

En pli resta la spierta sco fin qua cun scola media, classa da sport, scola da commerzi e scola media spezialisada. Ed er il fatg che 94% dals magisters restan enavant a Ftan saja fitg allegraivel, scriva l’institut en sia communicaziun.

RR Novitads 12:00