La punt che collia las duas parts da vla ischnanca La Punt e Chamues-ch ha survegnì ina decoraziun da Nadal extraordinaria. Trais artgs gronds cun passa 20’300 glischinas èn montads vid las duas saivs da mintga vart la punt. Quai correspunda a circa 30 glischinas per abitantA da La Punt Chamues-ch, di Urs Niederegger, il chanzlist da la vischnanca.
80'000 francs
La vischnanca al pe dal Pass da l’Alvra ha investì 80'000 francs per la nova l’illuminaziun da Nadal. Tenor Urs Niederegger na saja la veglia betg pli stada confurm al temp dad oz e perquai hajan ins decis da remplazzar quella. Ils artgs sin la punt e las brunsinas che straglischan vid las pitgas da las laternas en la vischnanca sajan vegnidas tschernidas conscientamain.
Ils motivs da nossa illuminaziun da Nadal avain nus tschernì en connex cun la vopna da La Punt Chamues-ch. Là è en la punt ed er ina brunsina.
Betg blera energia
Tenor Urs Niederegger na dovran las glischinas da l’illuminaziun da Nadal betg blera energia. Vinavant saja la decoraziun montada maximalmain dus mais, uschia ch’ins possia prestar quest’illuminaziun imposanta er cun il label citad d’energia che La Punt Chamues-ch ha.