Siglir tar il cuntegn

Header

cuntegn

La Punt Chamues-ch Cumbat electoral per il presidi communal

Yves Emonet e Peter Tomaschett han inoltrà lur candidatura per il presidi da La Punt Chamues-ch, scriva la vischnanca. Els vulan succeder a Jakob Stieger, ch'ha demissiunà per la fin da l’onn, suenter esser stà 26 onns a la testa da la vischnanca.

Emonet ha 42 onns, è expert da taglia e magister da passlung. El viva dapi bunamain diesch onns a La Punt Chamues-ch. Peter Tomaschett ha 64 onns, è stà inschigner da construcziun diplomà SAS ed è uss pensiunà. El è turnà avant passa tschintg onns en la patria da sia dunna, a La Punt Chamues-ch.

Uffizis communals èn dumandads

Er per la suprastanza communala, la cumissiun da gestiun ed il cussegl da scola èn s'annunziadas dapli persunas che quai ch'i ha posts. I dat pia er per quels uffizis in cumbat electoral. Il suveran da La Punt Chamues-ch elegia ils 10 da december las autoritads communalas per ils proxims trais onns.

audio
Per tadlar curt e cumpact
aus RTR Audio vom 26.11.2021.
abspielen. Laufzeit 1 minuta 4 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga