Per 2,7 milliuns francs vegn realisà en il territori God Arvins, al pè dal pass da l’Alvra in nov lavuratori forestal. Cunquai vegnan remplazzads ils dus lavuratoris existents da Madulain e La Punt Chamues-ch.
Lavurs duain esser a fin l'autra stad
Sco Ralf Fluor, il selvicultur ha ditg ad in inscunter da medias, sajan quels dus edifizis memia pitschens per metter sut tetg tut las iseglias e maschinas. Per la finanziaziun han la regenza grischuna e la Confederaziun garantì ina contribuziun da 60% u maximalmain 1,4 milliuns francs vid ils custs. La nova basa tecnica forestala duai esser pronta la stad da l’onn 2022.