La saira da Nadal ha tschiffà fieu ina troma da lain dad in cheminé en ina chasa da vacanzas a La Punt Chamues-ch. Ils pumpiers La Plaiv hajan pudì impedir pli gronds donns, scriva la Polizia chantunala.
Curt suenter mesanotg saja la Polizia chantunala vegnida notifitgada davart in fieu – flommas sajan vegnidas or d'in cheminé d'ina chasa da vacanzas a La Punt Chamues-ch. Silsuenter sajan ils pumpiers da La Plaiv entrads en acziuns cun 15 pumpiers e pumpieras. Cun in stizzafieu hajan els stenschentà il fieu ed allontanà la troma da lain.
La Polizia chantunala haja cumenzà cun l'investigaziun da la causa da l'incendi.
audio
Per tadlar: las novitads da las 10:00
ord RTR Audio dals 25.12.2022.
laschar ir. Durada: 3 minutas 12 Secundas.