La regenza grischuna ha approvà il project per sanar las ovras da protecziun per il torrent «Ova d'Alvra» a La Punt Chamues-ch. Ella ha deliberà ina contribuziun chantunala da 300'000 francs per la correcziun dal curs d’aua. Er la Confederaziun sa participeschia cun 525'000 francs a quest project.
Meglierar l’entira protecziun
L'intschess dal torrent Ova d'Alvra è vegnì schanegià en il passà da grondas auas grondas. Tuttina è l'aua vegnida stabilisada traject per traject cun rempars a las rivas en il territori d'abitadi. En intgins lieus èn quests rempars pauc stabils e per part donnegiads. Per meglierar l'entira protecziun cunter aua gronda duain las construcziuns existentas vegnir reparadas e remplazzadas sche necessari. Per quest intent vegnan construids rempars a las rivas en furma da rempars da terra e da crappa da bloc.
