La maranguna Lara Zwiefelhofer dal Principadi da Liechtenstein è sin ina missiun speziala. Cun in camper viagia ella durant in mez onn tras la Svizra tudestga e fa uschia in viadi da mastergn modern. Numnadamain è ella ambassadura da l’uniun da construcziun en lain Svizra e vul promover giuvnas e giuvens da far in giarsunadi en il sectur da laina.
Sin ses viadi visita la giuvna da 25 onns en tut var 90 classas da scola. Ella fa mintg’emna fermativa en in’autra regiun e po sper las visitas en scola er lavurar en differentas lainarias.
Durant sia fermativa en Engiadin’Ota ha Lara Zwiefelhofer visità la 4. – 6avla classa da La Punt Chamues-ch. Ensemen cun las scolaras ed ils scolars ha ella construì ina giaschera.
Fermativa en Engiadin’Ota
Er sche la situaziun da mancanza da giuvnas e giuvens maranguns na saja anc betg acuta, saja impurtant da promover il mastergn gia uss. Uschia possia numnadamain er restar constanta la cifra da giarsunas e giarsuns. En il Grischun han terminà l’onn passà 28 giuvnas e giuvens il giarsunadi da marangun.