Siglir tar il cuntegn

Header

cuntegn

La Punt Chamues-ch In pass vinavant cun il sviament

Nov è vegnì integrà en il project dal sviament a La Punt Chamues-ch ina sortida da la vart dal sid dal tunnel. Tras quella pon automobilists vegnint da l’Engiadin’Ota arrivar er en avegnir directamain a La Punt Chamues-ch.

Che questa midada è vegnida approvada dal chantun e da la cumissiun da protecziun da natira e patria fa grond plaschair a la vischnanca, uschè il chanzlist Urs Niederegger. Tenor el èn ins da buna vista da pudair cumenzar il 2021, il pli tard il 2022 cun las lavurs da construcziun. Avant ha il chantun però anc da giuditgar ils recurs existents.

Tras la midada ha la populaziun uss temp enfin ils 17 da december da far recurs. Ins na fetschia però betg quint cun opposiziun, uschia Urs Niederegger.

Custs supplementars

Il project sco tal na vegn betg a custar bler dapli che planisà. Tras ils 100’000 francs per la sortida, muntan ils custs totals uss a 83,5 milliuns francs.

RR actualitad 12:00