La Punt Chamues-ch - Iniziativa per il scumond da fieus artifizial

In’iniziativa pretenda in scumond da fieus artifizials sin il territori communal da La Punt Chamues-ch. Cun 120 suttascripziuns da 539 persunas cun il dretg da votar saja quella valaivla, scriva la vischnanca en il rapport da la suprastanza. Perquai ch’in scumond da fieus artifizials vegnia discutà actualmain en l'entira regiun Malögia, vul la vischnanca spetgar sin ina soluziun cuminaivla, avant che suttametter l’iniziativa a la radunanza communala.