Siglir tar il cuntegn

Header

video
La Punt-Chamues-ch: InnHub po vegnir construì
Or da Telesguard dals 20.12.2023.
laschar ir. Durada: 2 minutas 55 Secundas.
cuntegn

La Punt Chamues-ch InnHub: Uss po el vegnir fabritgà

Il center d’innovaziun e transfurmaziun, InnHub a La Punt Chamues-ch po vegnir fabritgà. La vischnanca da La Punt Chamues-ch ha numnadamain dà il permiss da construcziun. Las lavurs da fabrica per la chasa, concepida da Lord Norman Foster, duain cumenzar la stad da l’onn 2024.

audio
La Punt: InnHub – il permiss da construcziun è qua
ord Actualitad dals 20.12.2023. Maletg: Innhub
laschar ir. Durada: 3 minutas 11 Secundas.
Männer
Legenda: Jon Erni e Caspar Coppetti, ils co-iniziants dal InnHub. RTR

Project cun pitschnas adattaziuns

L’idea oriunda dal InnHub saja er oz anc da porscher in center da lavur e scuntrada. Pitschnas midadas haja però dà tar la gruppa d’investiders, uschia Caspar Coppetti, co-iniziant dal InnHub. Oz quintia quella total otg partenaris.

Suenter ina planisaziun da passa sis onns, po uss pia cumenzar la realisaziun. L’avertura dal InnHub è planisada per l’onn 2027.

In project ch'è gia plirs onns en lavur:

Avrir la box Serrar la box
  • 2015-2017: Idea iniziala da Mia Engiadina per in center d’innovaziun da lavur, sport, seminari, in hotel ed abitaziuns. Emprims inscunters dals iniziants.
  • 2018: Fundaziun da la InnHub La Punt SA
  • 2019: Vischnanca La Punt di Gea al contract da dretg da construcziun
  • Fin 2020: InnHub PopUp avra sias portas
  • 2020-2022: Revisiun Parziala planisaziun locala per parcellas Truoch / La Resgia.  Approvaziun da la regenza
  • Stad 2023: In recurs inoltrà encunter il nov bajetg, quel ha pudì vegnir schlià
  • December 2023: Permiss per la construcziun è avant maun
  • Entschatta stad 2024: Lavurs da construcziun duain cumenzar

RTR novitads 09:00

Artitgels legids il pli savens