Siglir tar il cuntegn

Header

La vischnanca da La Punt - Chamues-ch
Legenda: La vischnanca da La Punt - Chamues-ch RTR, Selina Planta
cuntegn

La Punt Chamues-ch Nova zona per abitar per indigens

Per promover la construcziun d'emprimas abitaziuns vul la vischnanca stgaffir ina zona per 12 chasas. La vischnanca politica e quella da vischins da La Punt Chamues-ch disponan da duas parcellas en il quartier Alva, mintgamai cun ina grondezza da radund 1’400 meters quadrat.

La radunanza communala ha il glindesdi cun gronda maioritad approvà il contract da dretg da construcziun per il project da construir là abitadis per famiglias. La finamira da la vischnanca è, dad attrair famiglias giuvnas en vischnanca. Perquai duai dar sin quel terren sis parcellas per chasas dublas dad ina famiglia. Chasas en lingia n'èn explicit betg previsas, uschia la vischnanca da La Punt-Chamues-ch. Las parcellas duessan vegnir vendidas en furma dad in dretg da construcziun cun in dretg da precumpra tras la vischnanca.

Revisiun dal plan da zonas dad auas

Unanimamain han ils votants e las votantas da La Punt Chamues-ch er approvà ina revisiun parziala da la planisaziun locala. Cun quella revisiun prevesa la vischnanca da reveder las zonas dad aua a la situaziun actuala, oravant tut la nova surelavuraziun da zonas da privel.

In credit per in turbina per far forza per l’ustaria da muntogna

Er senza cuntravusch han ils da La Punt Chamues-ch ditg Gea ad in credit d'investiziun da 115'000 francs per l'ovra idraulica tar l’ustaria da muntogna Albula Hospiz. L'ustaria era vegnida demolida per part d'ina lavina. Ussa han ins puspè renovà quella ed en quel connex dovri er ina nova lingia d’aua da baiver. Cun la differenza d’autezza che l'aua trapassa, èsi uschia pussaivel da producir forza electrica per l’ustaria.

RTR novitads 06:00

Artitgels legids il pli savens

Scrollar a sanestra Scrollar a dretga