Siglir tar il cuntegn
Inhalt

Engiadina «La Sassa» avant proxims pass impurtants

Ils 29 da zercladur è la populaziun da la val Müstair vegnida infurmada a reguard il stadi dals projects da la surfabricaziun «La Sassa». En quel connex è stà er il project pendiculara Tschierv Minschuns. La finamira è da cumenzar cun tuts dus projects mez 2019.

La surfabricaziun la Sassa a tschierv in Val Müstair
Legenda: La surfabricaziun la Sassa a tschierv in Val Müstair MAD

L’iniziant dal project «La Sassa» è il biro d’architectura Domenig da Cuira. Previsas èn 5 chasas cun abitaziuns ed in hotel cun radund 380 letgs. Suenter la decisiun da la populaziun da la Val Müstair cun 60% gea e vegnì elavurà enavant il project. En emprima lingia è quai ì per il project preliminar sco er il plan d’utilisaziun ed il plan directiv.

Ils 14 da settember sa decidi

Il plan directiv che è vegnì elavura duess vegnir expost durant il mais da fanadur. Durant il mais d'avust duessan vegnir evaluads e liquidads eventuals recurs, uschè che la radunanza communala po decider ils 14 da settember. Infurmada è vegnida la populaziun era areguard la nova pendiculara che vegniss realisada ensemen cun il project «La Sassa». Il project «La Sassa» stat sin 3 pitgas:

  • la surfabricaziun «La Sassa»
  • la pendiculara nova Tschierv Minschuns
  • l’ennavaziun da la pista giu la val.

Sche tut va optimal, lur po la pendiculara girar da Nadal 2019.

RR actualitad 06:00