Siglir tar il cuntegn
Inhalt

Engiadina La scola d'Avrona tschertga nov co-directur

Suenter passa 13 onns banduna Mayk Wendt la scola alpina Avrona. Sco quai che la fundaziun da la scola speziala scriva tschertga Wendt ina nova sfida professiunala.

Purtret dals dus co-directurs.
Legenda: Ils dus co-directurs da la scola alpina Avrona, Mayk Wendt a sanester e David Brodbeck a dretga. MAD

Wendt banduna Avrona la fin da fanadur dal 2017. Tras l’engaschament da Wesndt ha la scola dad Avrona pudì s’etablir en il sectur da las scolas spezialas dal chantun. Tgi che daventa il successur da Wendt n’è anc betg decis.

L'onn 2012 aveva la fundaziun mes en ina co-direcziun per manar vinavant la scola. Cun David Brodbeck e Mayk Wendt avevan els occupà quest post cun duas persunas ch'avevan gia experientscha en lur scola. Cun David Brodbeck che resta sco co-directur èsi garantì che la direcziun va enavant.