Siglir tar il cuntegn

Header

video
La sfida da pliras etappas
Or da Actualitad dals 05.02.2018.
laschar ir. Durada: 2 minutas 14 Secundas.
cuntegn

Engiadina La Sfida è ina sfida

L'Engiadina ha ina cursa da passlung da pliras etappas – la Sfida ha giu lieu questa fin d'emna per l'emprima giada ed ella è stada in success.

La Sfida è l'emprima cursa da passlung da pliras etappas en Engiadina. Cumenzà ha tut venderdi ils 2. da favrer a Puntraschigna cun il prolog da 4 kilometers. La 2. etappa è vegnida realisada a Silvaplauna cun ina distanza da 12 kilometers e dumengia è lura stada l'etappa royala a Malögia cun 10,3 kilometers e 540 meters differenza d'autezza.

Il tour de ski, che mintgin enconuscha, è stà l'exempel per quest'idea en Engiadina. La premiera è stada in grond success – passa 110 sportistas e sportists èn stads da la partida.

Ils iniziants han vulì realisar ina cursa da pliras etappas en differentas vischnancas era per rinforzar il spiert da cuminanza da las vischnancas in Engiadina.

video
la Sfida - reacziuns
Or da RTR dals 04.02.2018.
laschar ir. Durada: 1 minuta 23 Secundas.

Artitgels legids il pli savens